Ermənistanın elm, təhsil, mədəniyyət və idman naziri Janna Andresyan Azərbaycanda keçiriləcək III MDB Oyunlarında erməni idmançıların iştirakı ilə bağlı Bakının dəvətinə münasibət bildirib.
Globalinfo.az xəbər verir ki, Andresyan Azərbaycanın dəvəti ilə bağlı müzakirə aparıldıqdan sonra qərar veriləcəyini söyləyib.
“Bu məsələ müxtəlif hallardan, o cümlədən Azərbaycanda görüləcək təhlükəsizlik tədbirlərindən asılıdır. Mövcud məlumatlar və vəziyyət nəzərə alınaraq müvafiq qərar veriləcək”, – Andresyan bildirib.
Qeyd edək ki, Bakı Şəhər Halqası Əməliyyat Şirkəti oyunlarda iştirak üçün digər ölkələrlə yanaşı Ermənistana da dəvətin göndərildiyini açıqlayıb.
Ayşən Mustafa
Globalinfo.az
