“Azərbaycan nümayəndələrinin Avropa Şurası Parlament Assambleyasında (AŞPA) fəaliyyətinin bərpa edilməsi ilə bağlı qərar qəbul edilib”.
Globalinfo.az xəbər verir ki, bu iddia ilə Ermənistanın “Alpha Nyus” saytı AŞPA-dakı mənbələrinə istinadən məlumat yayıb.
Nəşr yazır ki, Avropa Şurası Nazirlər Komitəsi bununla bağlı qərar qəbul edib.
Hələ ki rəsmi Bakıdan məsələ ilə bağlı hər hansı açıqlama yoxdur.
Ermənistanın AŞPA-dakı nümayəndələri isə sözügedən məlumatın həqiqəti əks etdirmədiyini bildiriblər.
Xatırladaq ki, 2024-cü ilin yanvar ayında Azərbaycan nümayəndə heyəti AŞPA-da fəaliyyətini dayandırdığını açıqlamışdı.
Ayşən Mustafa
Globalinfo.az