Son müharibədə müxtəlif qüvvələr İranı Azərbaycan və Türkiyə ilə qarşıdurmaya cəlb etməyə çalışsalar da, Tehran bunun qarşısını almağa nail olub.
Globalinfo.az xəbər verir ki, bunu İran Ali Hərbi Şurasının sədri, ali dini rəhbərin hərbi məsələlər üzrə müşaviri Yahya Rahim Səfəvi bildirib.
O qeyd edib ki, rəsmi Tehran vəziyyətlə bağlı öz mövqeyini Azərbaycana izah edib və Bakı da bunu anlayışla qarşılayıb.
Müşavirin sözlərinə görə, Azərbaycanın İrana humanitar yardım göndərməsi və təxliyə məqsədilə humanitar dəhliz yaratması Tehran tərəfindən yüksək qiymətləndirilir. Səfəvi vurğulayıb ki, bu addımlar İran üçün mühüm dəstək hesab olunur və iki ölkə arasında münasibətlər baxımından xüsusi əhəmiyyət daşıyır.
O, Ermənistanla münasibətlərə də toxunaraq bildirib ki, Tehran İrəvanı dost hesab edir və Ermənistanın Avropa ilə əlaqələrini normal qarşılayır. Bununla yanaşı, iranlı rəsmiyə görə, Ermənistanın bölgəyə ABŞ hərbçilərini cəlb etmək niyyəti Tehranda müəyyən suallar yaradır.
Globalinfo.az
Həmçinin oxuyun
