Bu ilin yanvar-avqust aylarında Azərbaycan 14,4 mlrd. kubmetr qaz ixrac edib, bu da illik müqayisədə 23% artım deməkdir.
Globalinfo.az bildirir ki, bu barədə energetika naziri Pərviz Şahbazov öz “Twitter” hesabında paylaşım edib.
“Operativ məlumatlara əsasən, cari ilin 8 ayı ərzində Avropaya 7,3 mlrd. kubmetr, Türkiyəyə 5,4 mlrd. kubmetr, Gürcüstana isə 1,7 mlrd. kubmetr qaz ixrac olunub. Bu dövrdə qaz ixracı 23% artıb”, – paylaşımda bildirilir.
