ABŞ müdafiə naziri Pit Heqset Vaşinqtonun avropalı müttəfiqlərinin “təhlükəli ideologiyaların” təsiri altında qaldığını bildirib.
Globalinfo.az xəbər verir ki, o, bu fikirləri Fransanın şimalında, Müttəfiq qüvvələrin Normandiyaya çıxarılmasının 82-ci ildönümünə həsr olunan tədbirdə səsləndirib.
“Bu gün təəssüf ki, Avropanın digər sahilləri də fərqli təhlükəli ideologiyaların hücumu ilə üzləşir. İspaniya, İtaliya, Yunanıstan və Bolqarıstana qayıqlarla insanlar gəlir”, – deyə Heqset qeyri-qanuni miqrasiyanı nəzərdə tutaraq bildirib.
Pentaqon rəhbəri Avropa paytaxtlarının bu vəziyyətə nə vaxt reaksiya verəcəyinə dair sual ünvanlayıb:
“Avropa paytaxtlarında bu ‘hücum’un qarşısını almaq üçün nə vaxt tədbirlər görüləcək? Yoxsa artıq gecdir? Düşünürəm ki, hələ gec deyil”, – nazir vurğulayıb.
Heqset həmçinin ABŞ-ın müttəfiqlərinə dəstəyini davam etdirdiyini diqqətə çatdırıb:
“Biz müttəfiqlərimizi dəstəkləyirik və onlardan da eyni addımı gözləyirik”, – ABŞ müdafiə naziri fikirlərini tamamlayıb.
Əliyar Xəlil
Həmçinin oxuyun
