Rusiya Təhlükəsizlik Şurasının sədr müavini Dmitri Medvedev Ukrayna Prezidenti Volodimir Zelenskiyə qarşı sui-qəsd hazırlığı ilə bağlı xəbərləri şərh edərkən “Qərbin Kiyev rejiminin rəhbərini aradan götürmək” qərarına gəldiyini iddia edib.
Globalinfo.az xəbər verir ki, Medvedev bu fikirləri Teleqram kanalında yazıb.
O qeyd edib ki, Zelenskinin bu cür mesajlardan sonra “ciddi şəkildə təşvişə düşməsi” üçün əsas var:
“Çox güman ki, bu, Qərbin onu aradan götürmək qərarına gəldiyinin ilk sübutudur”.
Qeyd edək ki, bir qədər əvvəl Polşada Volodimir Zelenskiyə sui-qəsd hazırlamaqda şübhəli bilinən şəxs saxlanılıb.
Safura Bənnayeva
Globalinfo.az
