2025-ci ilin sonuna yaxınlaşdıqca fransız kahin Nostradamusun proqnozları yenidən gündəmə gəlib.
Globalinfo.az xəbər verir ki, bu barədə “Mirror” nəşri məlumat yayıb.
Nəşrin yazdığına görə, məşhur kahinin bu il üçün dedikləri dünyanın müxtəlif bölgələrində narahatlıq yaradıb.
İddialara əsasən, proqnozlar bəşəriyyət üçün müharibə, kosmik fəlakət və yeni, daha təhlükəli pandemiya kimi ssenarilərə işarə edir.
Proqnozların ən çox müzakirə edilən hissəsi Nostradamusun “uzun müharibənin sonu” ifadəsidir. Əksəriyyət bunu Ukrayna münaqişəsinin final mərhələsi kimi interpretasiya edir. Lakin kahinin şeirlərində bunun ardınca daha böyük bir təhlükənin – Britaniya torpaqlarında yeni müharibənin başlama ehtimalının qeyd olunduğu bildirilir:
“Avropa xalqı İngiltərənin taxt-tacını tərk etdiyini görəcək. Onun cinahlarında amansız müharibələr baş qaldıracaq. Krallıq sərt savaşlara qərq olacaq… Keçmişin böyük bəlası qayıdır və səma altında bundan ölümcül düşmən yoxdur”.
Nostradamusun başqa bir qorxulu proqnozu yeni pandemiya ilə bağlıdır. Proqnozda bəşəriyyətin yenidən ölümcül xəstəliklə üz-üzə qalacağı barədə şifrəli işarələr olduğu iddia edilir.
Bundan başqa, kahinin ən çox müzakirə edilən kəhanətlərindən biri də asteroid təhlükəsidir:
“Kosmosdan alov topu qalxacaq, fəlakətin xəbərçisi, dünya yalvarır”.
Bu ifadə sosial mediada Yerə meteorit düşməsi ilə bağlı fərziyyələri gücləndirib. Astronomlar real olaraq belə bir təhlükənin hazırda qeydə alınmadığını bildirirlər, lakin Nostradamus proqnozları hər il olduğu kimi yenə də geniş müzakirələrə səbəb olub.
Tahir Turan
Globalinfo.az
