Fövqəladə Hallar Nazirliyinin “112” qaynar telefon xəttinə Gəncəçayın Gəncə şəhəri, Gülüstan yaşayış massivi ərazisindən keçən hissəsində 1 nəfər yeniyetmənin batması barədə ilkin məlumat daxil olub.
Bu barədə Globalinfo.az-a FHN-dən məlumat verilib.
Bidirilib ki, dərhal hadisə yerinə cəlb edilən FHN-in Gəncə Regional Mərkəzinin qüvvələri tərəfindən 2010-cu il təvəllüdlü Allahverdiyev Murad Yasin oğlunun batdığı ehtimal edilən istiqamətlərdə axtarış-xilasetmə tədbirlərinə başlanılıb.
Əlavə məlumat veriləcək.
***
Gəncəçayda 14 yaşlı oğlanın meyiti aşkarlanıb.
Globalinfo.az Report-a istinadən xəbər verir ki, Gəncə şəhər sakini, 2010-cu il təvəllüdlü Murad Allahverdiyevin çayda boğularaq öldüyü bildirilir.
Qeyd edək ki, mərhumun yaxınları bu gün onun itkin düşdüyü barədə polisə məlumat veriblər.
Faktla bağlı araşdırma aparılır.
