“Rusiyanın 102-ci bazasının, Baş Konsulluğun yerləşdiyi və Ermənistanın ikinci ən böyük şəhəri olan Gümrüdə baş verənləri diqqətlə izləyirik”.
Globalinfo.az xəbər verir ki, bunu Rusiya Xarici İşlər Nazirliyinin mətbuat katibi Mariya Zaxarova deyib.
O bildirib ki, şəhər rəhbərliyi Rusiya Federasiyasının müxtəlif regionları ilə əməkdaşlığı fəal şəkildə inkişaf etdirir:
“Gümrüdə həm də Rusiya-Türkiyə müharibələri zamanı həlak olan rus zabitlərinə həsr olunmuş “Şərəf təpəsi” memorial kompleksi yerləşir. Həmçinin avqustda MDB Dövlət Başçıları Şurası Gümrüyə “1941-1945-ci illərin Əmək Şöhrəti şəhəri” fəxri adını verdi. Biz Ermənistanla münasibətləri yüksək qiymətləndiririk. Gümrü bələdiyyəsinin sədrinin həbsi bu ölkənin daxili işidir. Daha əvvəl də Vanadzor, Berd və Gorus icmalarına qarşı cinayət işləri açılıb. Ümid edirik ki, bu cür əlaqələr məhkəmələrarası münasibətlərin pozulmasına gətirib çıxarmayacaq. Belə hadisələr sistemə qarşı inamı azalda bilər. Nəzərə almaq lazımdır ki, Ermənistan yeni seçki dönəminə qədəm qoyur”.
Qeyd edək ki, Gümrü bələdiyyəsinin sədri Vardan Qukasyan və bir neçə əməkdaş korrupsiyada ittiham olunaraq saxlanılıblar. Bələdiyyədə keçirilən əməliyyat şəhərdə ciddi rezonans doğurub.
Əliyar Xəlil
Globalinfo.az
