Yəmən BƏƏ-nin bütün qüvvələrinin 24 saat ərzində ölkədən çıxarılmasını tələb edib.
Globalinfo.az xəbər verir ki, bu barədə Yəmən Prezident İdarəetmə Şurasının rəhbəri Rəşad Məhəmməd əl-Əlimi danışıb.
O bildirib ki, ölkə Birləşmiş Ərəb Əmirlikləri (BƏƏ) ilə birgə müdafiə müqaviləsini ləğv etmək qərarına gəlib.
“Qüvvələrin çıxarılması prosesi 24 saat ərzində başa çatmalıdır”, – deyə əlavə edilib.
Qeyd edək ki, dekabrın 30-da Səudiyyə Ərəbistanının rəhbərlik etdiyi koalisiya Yəmənin Mukalla limanındakı yüklərə hava hücumları həyata keçirib. Liman Hadramaut əyalətində yerləşir. Hədəf BƏƏ-dən respublikaya gələn iki gəmidən boşaldılmış silah və hərbi texnika olan konteynerlər olub.
Əliyar Xəlil
Globalinfo.az
