Azərbaycan Xarici İşlər Nazirliyi tərəfindən ölkə hüdudlarından kənarda prezident seçkilərinin təşkili üzrə İş planı təsdiqlənib.
Globalinfo.az APA-ya istinadən bildirir ki, bu barədə bu gün növbədənkənar prezident seçkilərinin təşkili ilə bağlı Xarici İşlər Nazirliyi və Mərkəzi Seçki Komissiyasının birgə brifinqində bildirilib.
Seçki ilə əlaqədar operativliyin və nəzarətin təmin edilməsi, zəruri tədbirlərin görülməsi məqsədilə XİN tərəfindən İşçi qrupu və 7-8 fevral tarixlərindən 24 saat fasiləsiz fəaliyyət göstərəcək Qərargah yaradılıb.
Qeyd edilib ki, Azərbaycanda prezident seçkilərini ATAT Demokratik Təsisatlar və İnsan Hüquqları Bürosunun, MDB Parlament Assambleyası, İslam Əməkdaşlıq Təşkilatı, İqtisadi Əməkdaşlıq Təşkilatının Parlament Assamblesyası, Qara Dəniz İqtisadi Əməkdaşlıq Təşkilatının Parlament Məclisi, Asiya Parlament Assambleyası, Beynəlxalq Parlamentarilər Konqresi, həmçinin bir sıra dövlətlərin parlamentariləri müşahidə edəcək.