“MOİK klubunun adı dəyişdirilmir. Klub Premyer Liqaya çıxarsa, bizi Xankəndiyə köçürə bilərlər”.
Bu sözləri Globalinfo.az-a açıqlamasında MOİK klubunun baş məşqçisi Qəzənfər Abbasov klubun yeni mövsümdən Xankəndi şəhərini təmsil etməsi haqqında xəbərlərlə bağlı deyib.
O bildirib ki, MOİK yarışlara öz adı ilə qatılacaq:
“MOİK Mərkəzi Ordu İdman Klubunun komandası olduğu üçün eyni adı daşıyır. Xankəndiyə gedəcəyimiz barədə bizə dəqiq bir söz deyilməyib. Deyilənlər şayiədir”.
Qeyd edək ki, ötən gün MOİK-in Xankəndi şəhərini təmsil edəcəyi haqda xəbərlər yayılıb.
Zaira Akifqızı
Globalinfo.az
