“Hazırda saxta “WhatsApp+” istifadə edənlərin bank hesablarından pullar oğurlanır”.
Globalinfo.az bildirir ki, bu sözləri texnologiya üzrə mütəxəssis Fərid Pərdəşünas deyib.
O, “WhatsApp+” işlədənlərin bank tətbiqlətinə giriş əldə edildiyini bildirib:
“Pulu oğurlananlar and-aman edib, bankları günahlandırsa da əslində “WhatsApp+”da olan arxa qapı sayəsində bank tətbiqlərinə giriş əldə edilir.
Azərbaycan saxta “WhatsApp+” yüklənmə sayına görə dünyada 1-ci yerdədir. Səbəb də sadədir. Başqalarının gizliliyinə burnumuzu soxmağı sevirik. İndi isə bu maraq kütləvi şəkildə hesabların oğurlanmasına səbəb olur. “WhatsApp+” orijinal “WhatsApp”da olmayan imkanları təqdim edən saxta həlldir.
Vaxtında dövlət qurumları, şəxsən mən bar-bağırırdım ki, zibil saxta tətbiqi yükləməyin. İndi zərərçəkənlər dünyadan xəbərsiz kimi Bankları günahlandırır”.
