Yer kürəsində güclü maqnit qasırğası gözlənilir.
Globalinfo.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb.
Bildirilib ki, Günəşin atdığı plazma sentyabrın 2-nə keçən gecə Yerə çatacaq və G3 səviyyəsində güclü maqnit qasırğalarına səbəb olacaq:
“Hesablamalara görə, günəş maddəsi Yerə sentyabrın 1-də gecə yarısı gələcək. Plazma yüksək sürətə malikdir, təxminən 900 km/s. O, G3 səviyyəli tufanlara səbəb olacaq. Üç aydır ki, maqnitosferdə belə pozuntular müşahidə olunmur”.
Məlumata görə, fırtınaların daha da güclü olması və G4 səviyyəsinə çatması mümkündür:
“Maqnit qasırğaları təkcə sentyabrın əvvəlində baş verməyəcək. Güclü günəş alovları və Yer kürəsinə təkrar plazma emissiyaları ehtimalı yüksək olaraq qalır”.
Safura Bənnayeva
Globalinfo.az
