Türkiyədə zəlzələdən zərər çəkənləri daşıyan avtobus kömürlə dolu yük maşınına çırpılıb.
Globalinfo.az xəbər verir ki, hadisə avtobusun Hatayın İskenderun və Antakya rayonlarında universitetə hazırlaşan zəlzələdən zərər çəkmiş abituriyentləri Konya Universitetinin yataqxanasına apararkən baş verib.
Aralarında 2-si sürücü və 2-si müəllim olmaqla 48 nəfərin olduğu avtobus qəzasında bir müəllim və bir şagird həyatını itirib. Yaralanan 6 nəfər isə Adanada xəstəxanalara aparılıb. Müalicə olunan yaralılardan ikisinin vəziyyətinin ağır olduğu bildirilib.
