Misir və Türkiyə prezidentləri Qəzzada dərhal atəşkəsin əldə olunması ilə bağlı çağırış ediblər.
Globalinfo.az xəbər verir ki, bu barədə Misir prezidenti Əbdülfəttah əs-Sisi Qahirədə səfərdə olan Türkiyə lideri Rəcəb Tayyib Ərdoğanla birgə keçirdiyi mətbuat konfransında deyib.
Tərəflər anklavın əhalisinə lazımi humanitar yardımın maneəsiz çatdırılmasının təmin olunmasının vacibliyini vurğulayıblar:
“Türkiyə prezidenti ilə danışıqlar zamanı biz Qəzza zolağında dərhal atəşkəsin əldə olunması və anklavın əhalisinə humanitar yardımın maneəsiz çatdırılmasının təmin edilməsi ilə bağlı çağırış etdik”, – Misir prezidenti deyib.
Türkiyə Prezidenti də deyib ki, Qəzzada atəşkəsə nail olmaq və humanitar yardımların maneəsiz çatdırılması prioritet məsələdir: “Ölkəmiz indiyədək Qəzzaya 34 min tondan çox yardım göndərib”.
Ərdoğan, həmçinin başda BMT Təhlükəsizlik Şurası olmaqla beynəlxalq ictimaiyyəti Qəzzada davam edən qətliamı dayandırmaq üçün hərəkətə keçməyə çağırıb.
Əliyar Xəlil
Globalinfo.az