İranın yeni rəhbərliyi mənimlə danışıqlara başlamaq niyyətindədir və onlar bu təklifi qəbul etməyə hazırdır.
Globalinfo.az xəbər verir ki, bu barədə ABŞ Prezidenti Donald Tramp “The Atlantic” nəşrinə açıqlamasında danışıb.
“Onlar danışmaq istəyirlər və mən də danışmağa razı oldum, ona görə də onlarla danışacağam. Bunu daha tez etməli idilər. Bu qərarı daha əvvəl versəydilər, daha praktik və asan olardı. Onlar çox gözlədilər”, – deyə Tramp bildirib.
İran tərəfi ilə mümkün görüşün vaxtına dair suala cavab verən ABŞ Prezidenti bunun bu gün, yoxsa sabah baş tutacağını deyə bilməyəcəyini qeyd edib.
Tramp həmçinin bildirib ki, son həftələrdə danışıqlarda iştirak edən bəzi iranlı rəsmilər artıq həyatda deyil:
“Bizimlə işləyən bəzi insanlar artıq aramızda yoxdur. Onlar bunu daha tez etməli idilər. Razılıq əldə edə bilərdilər”.
Tahir Turan
Globalinfo.az
Həmçinin oxuyun
