Alimlər batmış “Titanik”lə bağlı məşhur sui-qəsd nəzəriyyəsini təkzib etmək qərarına gəliblər.
Globalinfo.az lent.az-a istinadən xəbər verir ki, 1985-ci ildə Titanik qəzası yenidən kəşf edildikdən sonra ona çoxlu dalışlar edilib.
Lakin bu müddət ərzində gəmidə insan qalıqlarına rast gəlinməyib. 2012-ci ilə qədər qəza ərazisinə 33 dəfə dalış edən rejissor Ceyms Kemeron, “Orada əşyalar, o cümlədən ayaqqabılar tapdıq. Bu, bəzi cəsədlərin hələ də orada olduğunu göstərir. Amma biz qalıqları heç görmədik” deyib.
Bu fakt çaşdırıcıdır, lakin “Titanik”in batması nəticəsində boğulan 1500-dən çox insanın niyə tapılmadığının əsaslı izahları var. Əsas amillərdən biri də ölümdən xilas edə bilməsə də, bədəni uzun müddət suyun səthində saxlayan xilasedici jiletdir. Lakin fəlakətdən sonra fırtına və okean axınları cəsədləri sahilə çıxarıb.
Dağıntılarla birlikdə dibə batanlar isə dərinliklərdəki yırtıcılar sayəsində yoxa çıxıblar. Buna baxmayaraq, gəmi qəzasında həlak olanların skeletlərinin niyə aşkar edilmədiyi sualı hələ də qalır. Dərin dəniz tədqiqatçısı Robert Ballardın sözlərinə görə, müəyyən dərinliklərdə sümükləri təşkil edən kalsium karbonat əriyir.
Bununla belə, fəlakətdən 100 ildən çox vaxt keçsə də, “Titanik”də qalıqların aşkarlanması və müəyyən edilməsi ehtimalı olduqca aşağıdır.
