İranda havanın çirklənməsi insanların sağlamlığını ciddi təhdid edir. Bu səbəbdən paytaxt Tehranda uşaq bağçaları və məktəblər bağlanılıb.
Globalinfo.az AZƏRTAC-a istinadən xəbər verir ki, Tehranın hakimiyyət orqanları uşaqları və qocaları ehtiyac yaranmadığı təqdirdə evdən çıxmamağa çağırıb. Eyni zamanda, şəhərdə yük maşınlarının hərəkətinə müvəqqəti qadağa qoyulub.
Paytaxt əhalisi şiddətli başağrılarından, ürəkbulanmadan, öskürəkdən və nəfəs darlığından şikayətlənir.
Qeyd edək ki, İranda, xüsusən Tehranda havanın çirklənməsi ciddi problem olaraq qalmaqdadır. Səhiyyə Nazirliyinin məlumatına görə, çirkli hava hər il minlərlə insanın ölümünə səbəb olur. Havanın çirklənməsinin əsas səbəbi paytaxtda milyonlarla avtomobilin olmasıdır.
