Cənub Bölgəsi Prokurorluğu İordaniyadan İsrailə qanunsuz yolla silah keçirən 4 qaçaqmalçıya qarşı ittiham irəli sürüb. Bu cinayət dünya tarixində ən böyük cinayət olub.
Globalinfo.az lent.az-a istinadən bildirir ki, bədəvi icmasının dörd nümayəndəsinə qarşı cinayət işi açılıb.
İttihama görə, 39 yaşlı Udeh Elxalav, 23 yaşlı Sultan Delaliyu, 26 yaşlı Yasir Delaliyu və 21 yaşlı Əhməd Şalivi silah qaçaqmalçılığı üçün iordaniyalı ilə əlbir olublar.
Qeyd olunur ki, təqribən iki həftə əvvəl Ude İordaniya sakini ilə əlaqə yaradaraq, qaçaqmalların qəbulu üçün məntəqəni razılaşdırıb. Müəyyən saatda Udeh Yasiri müşahidə məntəqəsinə çatdırıb. Sultan və Əhməd isə sərhədi keçərək iordaniyalı ilə görüşüb və ondan iki mərhələdə bir neçə çanta silah alıblar.
