Bu gün səhər saatlarında arvadını amansızca qətlə yetirməkdə şübhəli bilinən Ağababa Babışov idmançı imiş.
Globalinfo.az Oxu.az-a istinadən xəbər verir ki, sözügedən şəxs kikboksla məşğul olub.
O, dəfələrlə medal və diplomlara layiq görülüb. Azyaşlı övladları var.
Həmçinin əldə etdiyimiz digər məlumata görə, atası Məzahir Babışov Sumqayıtda mal bazarının sahibi kimi fəaliyyət göstərib.
A.Babışovun fotolarını təqdim edirik:
***10:43
Qəsdən adam öldürməkdə şübhəli bilinən şəxs tutulub.
Globalinfo.az bildirir ki, Sumqayıt şəhər prokurorluğundan verilən məlumata görə, yanvarın 29-u saat 4 radələrində Sumqayıt şəhəri ərazisində 1993-cü il təvəllüdlü Səbinə Babışovanın öldürülməsi barədə şəhər prokurorluğuna məlumat daxil olub.
Araşdırma zamanı 1989-cu il təvəllüdlü Ağabala Babışovun yaşadıqları evdə bıçaqla xəsarətlər yetirərək arvadı Səbinə Babışovanı qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ağabala Babışov iş üzrə şübhəli şəxs qismində tutulub.
İbtidai istintaq davam edir.
