Türkiyənin Kahramanmaraş şəhərinin Göksun rayonunda 4,8 maqnitudalı zəlzələ olması barədə ölkənin Fövqəladə Halların İdarə Olunması Agentliyi (AFAD) məlumat yayıb.
Globalinfo.az xəbər verir ki, məlumatda yeraltı təkanların ocağının 6,06 km dərinlikdə olduğu bildirilib.
Zəlzələ Bakı vaxtı ilə 23:20-də qeydə alınıb.
***23:44
Türkiyədə daha bir yeraltı təkan qeydə alınıb.
Globalinfo.az xəbər verir ki, Kahramanmaraşda yenidən qeydə alınan zəlzələ maqnitudası 4.8 bal gücündə olub.
Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.
İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
Zaira Akifqızı
