Yerli vaxtla saat 01:23-də Masallı və Cəlilabad rayonlarının inzibati sərhədində 5 maqnitudada zəlzələ olub.
Bu barədə Globalinfo.az-a Azərbaycan Milli Elmlər Akademiyası nəzdində Seysmoloji Xidmət Mərkəzindən bildirilib.
Məlumata görə, zəlzələ ocağı 13 km dərinlikdə yerləşib. Zəlzələ episentrdə 4 baldan yuxarı, ətraf rayonlarda isə 3 bala yaxın hiss edilib.
Qeyd edək ki, təbii hadisə bir sıra rayonlarda, o cümlədən Beyləqanda, Yardımlıda, Saatlıda, Lerikdə hiss edilib.
***
Masallı-Cəlilabad rayonlarının inzibati sərhəddində zəlzələ olub.
Respublika Seysmoloji Xidmət Mərkəzindən Globalinfo.az-a bildirilib ki, yeraltı təkanların maqnitudası 4.9, dərinliyi 13 km olub. Zəlzələ episentrdə 4, ətraf rayonlarda 3 bala yaxın hiss olunub.
***
Cəlilabadda zəlzələ olub.
Azərbaycan Milli Elmlər Akademiyası nəzdində Seysmoloji Xidmət Mərkəzindən Globalinfo.az-a bildirilib ki, zəlzələnin maqnitudası beşə yaxındır.
Məlumata görə, zəlzələ Yardımlı və Lerikdə hiss olunub. Beyləqan və Saatlıda zəif hiss olunub.
***01:30
Azərbaycanda zəlzələ baş verib.
Globalinfo.az xəbər verir ki, zəlzələnin maqnitudası 5,5 bal gücündə olub.
Yeraltı təkanların episentri Masallı rayonunun Güllütəpə kəndindən 2 km aralıda qeydə alınıb.
Zəlzələnin həmçinin Türkmənistan, Türkiyə, İran, Rusiya, Gürcüstan və Ermənistanda da hiss edilmə ehtimalı olduğu bildirilir.
Əlavə məlumat veriləcək.
Zaira Akifqızı
