“Ermənistanda hərbçimizə verilən işgəncə və İrəvanda beynəlxalq yarışda Azərbaycan bayrağının yandırılması iki ölkə və iki xalq arasında barışıq imkanlarının mümkün olmadığını göstərir”.
Globalinfo.az xəbər verir ki, bu sözləri politoloq Elxan Şahinoğlu deyib.
Onun sözlərinə görə, hərbçimizə verilən işgəncəni ört-basdır etmək üçün erməni rəsmiləri nağıl uydurublar:
Elxan Şahinoğlu
“Guya hərbçimiz Ermənistan ərazisində mülki ermənini qətlə yetirib. Bu “versiyanı” Ermənistan parlamentinin sədri Alen Simonyan MDB Parlamentlərarası Assambleyasının Şurasının Sank-Peterburqda keçirilən toplantısında da səsləndirib.
Ermənistan rəsmiləri bu “versiyadan” keçmiş illərdə də istifadə ediblər. Qarabağ separatçıları uzun illər iki vətəndaşımızı həbsxanasında ona görə tutub saxlayırdılar ki, guya onlar da Qarabağ ərazisinə keçərkən mülki erməni öldürüblər. Onlar Qarabağda mülki erməni öldürmüşdülərsə, Ermənistan hakimiyyəti və separatçılar İkinci Qarabağ müharibəsindən sonra vətəndaşlarımızı Azərbaycana təhvil verməzdilər. Bir gün işgəncə verdikləri hərbçimizi də geri qaytaracaqlar və bu zaman “o erməni mülki şəxsini öldürüb” uydurmasını unudacaqlar.
Birinci Dünya müharibəsindən əvvəl Rusiya və Fransanın əlində alətə çevrilən ermənilər yaşadıqları Osmanlı Türkiyəsinə satqınlıq etdilər, arxadan vurdular. Nəticəsi məlumdur. Xocalı soyqırımını törədəndə də bunun sonrakı nəticəsinin onlar üçün ağır olacağını anlamadılar”.
Turan Rzayev
Globalinfo.az
