Bu gün Səmərqənddə MDB Xarici İşlər Nazirləri Şurasının iclası keçiriləcək.
Globalinfo.az Axar.az-a istinadən xəbər verir ki, Azərbaycanı tədbirdə XİN başçısının müavini Xələf Xələfov təmsil edir.
İştirakçıların tədbirin keçirildiyi zala doğru gəlməsini əks etdirən görüntülərdə (“Sputnik” yayıb) Rusiya XİN başçısı Sergey Lavrovla Xələf Xələfovun zarafatlaşdıqları görünür.
Qeyd edək ki, sammitin gündəliyinə MDB məkanında qarşılıqlı fəaliyyətin müxtəlif istiqamətləri üzrə ona yaxın məsələ daxildir. Xarici işlər orqanları rəhbərlərinin aktual beynəlxalq və regional mövzular üzrə fikir mübadiləsi aparacağı planlaşdırılır.
