Şəkidə baş verən ağır yol qəzası baş verib.
“Report”un məlumatına görə, hadisə nəticəsində iki nəfər ölüb, daha üç nəfər isə xəsarət alıb.
Qeyd edək ki, hadisə Yevlax-Zaqatala-Gürcüstan magistral yolunun Şəki rayonu Çayqaraqoyunlu kəndi ərazisindən keçən hissəsində qeydə alınıb. Belə ki, hərəkətdə olan Zaqatala rayonu, Mosul kənd sakini Ramin Abdullayevin idarə etdiyi “Opel” markalı minik avtomobili Həsən Ağahəsən oğlu Məhəmmədovun idarə etdiyi “Man” markalı yük maşınına çırpılıb.
Qəza zamanı müxtəlif dərəcəli ağır bədən xəsarətləri alan sürücü Ramin Abdullayev və avtomobildə olan bir nəfər qadın sərnişin hadisə yerində həyatını itiriblər. Qəzadan sonra avtomobildə sıxılmış vəziyyətdə qalan hər iki meyit FHN-nin Şəki rayon Dövlət Yanğından Mühafizə Hissəsinin xilasediciləri tərəfindən çıxarılaraq aidiyyəti üzrə hadisə yerinə çağırılmış həkim briqadasına təhvil verilib. Minik avtomobilində olan daha üç sərnişin isə müxtəlif dərəcəli bədən xəsarətləri alıblar. Yaralılar isə Yevlax Rayon Mərkəzi Xəstəxanasına yerləşdiriliblər.
Faktla bağlı Şəki rayon prokurorluğunda araşdırma aparılır.
***14:05
Şəkidə baş verən ağır yol qəzasında iki nəfər ölüb.
Globalinfo.az-ın “APA”-ya istinadən məlumatına görə, hadisə Yevlax-Zaqatala-Gürcüstan magistiral yolunun Şəki rayonu Çayqaraqoyunlu kəndi ərazisindən keçən hissəsində baş verib.
Minik avtomobilinin yük maşınına çırpıldığı bildirilir.
Baş verən ağır yol qəzası zamanı iki nəfər hadisə yerində ölüb və xəsarət alan var.
Hadisə yerinə FHN-nin xilasediciləri cəlb edilib.
