Seçki məntəqələrinin 100 faizindən daxil olmuş ilkin məlumatlara əsasən, İlham Əliyev 92,12 faiz səslə fevralın 7-də keçirilmiş növbədənkənar prezident seçkilərində liderdir.
Globalinfo.az-ın Mərkəzi Seçki Komissiyasının (MSK) saytına istinadən xəbər verir ki, 6537 məntəqədən daxil olan məlumatlar əsasında digər namizədlərin topladığı səs faizi aşağıdakı kimidir:
Prezidentliyə namizədliyi özü tərəfindən irəli sürülən Zahid Oruc – 2,17 faiz;
Böyük Quruluş Partiyasının prezidentliyə namizədi Fazil Mustafa – 1,98 faiz;
Bütöv Azərbaycan Xalq Cəbhəsi Partiyasının prezidentliyə namizədi Qüdrət Həsənquliyev – 1,72 faiz;
Milli Cəbhə Partiyasının prezidentliyə namizədi Razi Nurullayev – 0,80 faiz;
Böyük Azərbaycan Partiyasının prezidentliyə namizədi Elşad Musayev – 0,66 faiz;
Namizədliyi özü tərəfindən irəli sürülən Fuad Əliyev – 0,53 faiz.
***08:50
Növbədənkənar prezident seçkilərində səsvermə ilə əlaqədar dairə seçki komissiyası protokolunun tərtib edilməsi və protokolun 1-ci nüsxəsinin ona əlavə edilmiş sənədlərlə birlikdə Mərkəzi Seçki Komissiyasına təqdim olunması prosesi davam edir.
Globalinfo.az-ın Mərkəzi Seçki Komissiyasının İnformasiya Mərkəzinə istinadən xəbərinə görə, daxil olan protokollardan sonra artıq seçkilərdə seçici fəallığı və prezidentliyə namizədlərin topladığı səslərdə dəyişiklik qeydə alınıb.Qeyd edək ki, fevralın 8-də 125 seçki dairəsi üzrə 6 537 məntəqədən 3 561-dən (93,35 faiz) daxil olan nəticələrə əsasən, seçici fəallığı 76,73 faiz olub. İlkin nəticələrə əsasən, namizədlərin topladığı səslər aşağıdakı kimi olub:
– İlham Əliyev – 92,05 faiz;
– Zahid Oruc – 2,19 faiz;
– Fazil Mustafa – 2 faiz;
– Qüdrət Həsənquliyev – 1,76 faiz;
– Razi Nurullayev – 0,8 faiz;
– Elşad Musayev – 0,67 faiz;
– Fuad Əliyev – 0,53 faiz.
Hazırda dairələrdən daxil olan daxil olan protokolun 1-ci nüsxəsi və ona əlavə edilmiş sənədlərə əsasən, seçici fəallığı 76,43 faizdir. Namizədlərin topladığı səslər isə aşağıdakı kimidir:
– İlham Əliyev – 92,12 faiz (4 577 693 səs) ;
– Zahid Oruc – 2,17 faiz (107 877 səs);
– Fazil Mustafa – 1,98 faiz (98 623 səs);
– Qüdrət Həsənquliyev – 1,72 faiz (85 607 səs);
– Razi Nurullayev – 0,80 faiz (39 797 səs);
– Elşad Musayev – 0,66 faiz (32 956 səs);
– Fuad Əliyev – 0,53 faiz (26 561 səs).
Qeyd edək ki, Seçki Məcəlləsinə əsasən, səsvermə günündən ən geci 2 gün keçənədək dairə seçki komissiyaları tərəfindən seçki dairəsi üzrə seçkilərin nəticələrinin müəyyən olunması, dairə seçki komissiyası protokolunun tərtib edilməsi və protokolun 1-ci nüsxəsinin ona əlavə edilmiş sənədlərlə birlikdə Mərkəzi Seçki Komissiyasına təqdim olunması təmin edilməlidir. Növbədənkənar prezident seçkiləri ilə əlaqədar bu proses fevralın 9-dan gec olmayaraq başa çatdırılmalıdır.