Şahin Diniyev ikinci oğlunu da komandasına gətirir

Coşqun Diniyev “Zirə”dən ayrılıb.

Globalinfo.az oxu.az-a istinadən xəbər verir ki, 27 yaşlı yarımmüdafiəçi  paytaxt klubu ilə vidalaşıb. Tərəflər başa çatan müqaviləni yeniləməyiblər.

Təcrübəli oyunçunun yeni ünvanı da böyük ölçüdə bəllidir.

Oxu.Az-ın əldə etdiyi məlumata görə, Coşqun Diniyev karyerasını “Səbail”də davam etdirməyə yaxındır.

“Dənizçilər”in baş məşqçisi Şahin Diniyev hələ qış fasiləsindən onu sərəncamında görmək istəyir. Çalışdırıcı yarımmüdafiədə oyunu məhz Coşqunun üzərində qurmaq istəyir.

Qeyd edək ki, Coşqun Diniyev Şahin Diniyevin oğludur. Mütəxəssisin digər oğlu Kərim Diniyev də “Səbail”də çalışır. O, baş məşqçinin köməkçisidir.