Sabahdan növbədənkənar prezident seçkiləri ilə əlaqədar prezidentliyə namizədin qeydə alınması üçün zəruri olan seçki sənədləri Mərkəzi Seçki Komissiyasına təqdim edilə bilər.
Globalinfo.az APA-ya istinadən xəbər verir ki, Seçki Məcəlləsinə əsasən, prezidentliyə namizəd, siyasi partiyanın, siyasi partiyalar blokunun səlahiyyətli nümayəndəsi nаmizədin qeydə alınması üçün zəruri olan seçki sənədlərini səsvermə gününə ən çoxu 50 və ən azı 30 gün qalmış saat 18.00-dək MSK-ya təqdim etməlidir.
Beləliklə, 7 fevral 2024-cü ildə keçiriləcək növbədənkənar prezident seçkiləri ilə əlaqədar nаmizədin qeydə alınması üçün zəruri olan seçki sənədləri 2023-cü il dekabrın 19-dan 2024-cü il yanvarın 8-i saat 18.00-dək MSK-ya təqdim edilməlidir.
