Danimarka hakimiyyəti Kopenhagendə Ümumdünya Səhiyyə Təşkilatının (ÜST) regional toplantısında iştirak etməyi planlaşdıran Rusiya səhiyyə nazirinin müavini Oleq Salaqayı ölkəyə buraxmayıb.
Globalinfo.az xəbər verir ki, bu barədə Rusiya KİV-i ölkənin Kopenhagendəki səfirliyinə istinadən məlumat yayıb.
“Sentyabrın 12-14-də Kopenhagendə ÜST-ün regional toplantısı keçirilir. Bu tədbirdə səhiyyə nazirinin müavini O.Salaqayın iştirakı gözlənilirdi. Lakin Kastrup hava limanında onun Danimarkaya girişi qadağan edilib”, – mətndə deyilir.
Diplomatlar Danimarka hökumətini ÜST-ə üzv ölkələrin rəsmi nümayəndələrinin Danimarkadakı tədbirlərə maneəsiz gəlişini təmin etmək öhdəliyini pozmaqda ittiham ediblər.
