Bazar günü keçiriləcək prezident seçkisindən sonra Qazaxıstan Prezidenti Qasım Comart Tokayev Rusiyadan ölkəsinin asılılığını azaldacaq.
Globalinfo.az xəbər verir ki, bu məlumatı “Röyter” agentliyi yayıb.
“Rusiya və Qazaxıstan dünyada ən uzun quru sərhədlərindən birinə malikdir ki, bu da Ukraynadan sonra keçmiş sovet respublikaları arasında ən böyük etnik rus əhaliyə sahib olan Astanada təhlükəsizliklə bağlı narahatlığı artırır. Sankt-Peterburqdakı iyun forumunda Tokayev bəyan etdi ki, onun hökuməti Rusiyanın Ukraynanın şərqində nəzarət etdiyi regionları tanımır və beynəlxalq səviyyədə tanınmış sərhədlərin toxunulmazlığını dəstəkləyir. Onun sərt çıxışı Rusiya KİV-lərindəki bəzi şərhçilərin qəzəbli təhdidlərinə gətirib çıxardı. Keçən ay isə Mərkəzi Asiya ölkələri prezidentlərinin sammitini qəbul edən Tokayev burada digər liderlərlə görüşdüyü halda Putinlə ikitərəfli danışıqlar aparmadı”, – məlumatda bildirilib.
Agentlik, həmçinin Tokayevin son zamanlar Rusiyaya alternativ olaraq Xəzər Boru Kəməri Konsorsiumu yerinə Xəzər dənizi üzərindən daşımaları artıraraq Bakı-Tbilisi-Ceyhana üstünlük verdiyini qeyd edib. Qazax liderin bununla yanaşı Qərbə də enerji tədarükünü artırdığı vurğulanıb. Gələn il bu istiqamət üzrə tədarükü 1,5 milyon tona çatdırmağı hədəfləyən Astananın növbəti illərdə göstəricini 6-6,5 milyon tona qədər yüksəltməyi planlaşdırdığı qeyd edilib.
Agentliyin mənbəsi bazar günü keçiriləcək seçkinin Tokayev üçün mühüm əhəmiyyət daşıdığını bildirib:
“Tokayevin seçkidə sarsıdıcı qələbəsi ona Rusiyadan daha çox uzaqlaşmaq üçün cəsarət verə bilər. O istəyir sübut etsin ki, 20 milyonluq ölkəni himayəçi olmadan idarə edə bilər”.
İlkin
Globalinfo.az
