Rusiyanın Cənub Hərbi Dairəsinin hərbi bazasının Ermənistanda yerləşən antiterror bölmələri Gümrü qarnizonunun ərazisində təlim keçiriblər.
Globalinfo.az xəbər verir ki, hərbçilər zirehli transportyorun müşayiəti ilə şərti düşmənin “diversiya-kəşfiyyat qrupunun” nəzarət-buraxılış məntəqəsi və yaxın ərazilərə hücumunun qarşısını alıblar.
“Diversiya-kəşfiyyat qrupunun” zərərsizləşdirilməsindən sonra kinoloji bölmələr tərəfindən avtomobil texnikası və nəzarət-buraxılış məntəqəsi ətrafında partlayıcı qurğuların olub-olmaması yoxlanılıb.
Təlim zamanı döyüş şəraitinin formalaşdırılması üçün müxtəlif imitasiya vasitələrindən istifadə olunub.
Rusiya-Ermənistan münasibətlərində soyuq küləklərin əsdiyi bir vaxtda belə bir təlimin keçirilməsi sosial şəbəkənin erməni seqmentində müəmma kimi qarşılanıb.
Tahir Turan
Globalinfo.az