Rusiyanın dövlət nüvə korporasiyası “Rosatom” Ermənistanda yeni atom elektrik stansiyasının tikintisini təklif edib.
Globalinfo.az xəbər verir ki, bunu şirkətin baş direktoru Aleksey Lixaçev bildirib. O qeyd edib ki, təklif ölkənin artan elektrik enerjisi tələbatının qarşılanmasına yönəlib.
Onun sözlərinə görə, layihə çərçivəsində Ermənistanda böyük və ya orta gücə malik nüvə elektrik stansiyasının inşası nəzərdə tutulur.
Lixaçev qeyd edib ki, “Rosatom” bu istiqamətdə əməkdaşlığa hazırdır və layihənin həyata keçirilməsi Ermənistanın enerji təhlükəsizliyinin gücləndirilməsinə töhfə verə bilər.
Tahir Turan
Globalinfo.az
