Cənubi Koreya idmançısı Park Tae-Juna Paris Yay Olimpiya Oyunlarının taekvondo yarışlarının finalında üz-üzə gəldiyi Qaşım Maqomedovdan üzr istəyib.
Globalinfo.az “Qafqazinfo”ya istinadən xəbər verir ki, o, qarşılaşmada zədələnən taekvondoçumuza arxadan endirdiyi zərbəyə görə bu addımı atıb.
Park Tae-Juna ayağından ciddi zədə alaraq yerə yıxılan idmançımızdan buna görə üzrxahlıq edib. Cənubi koreyalı taekvondoçu Q.Maqomedovu qucaqlayaraq ona dəstək göstərib.
Qeyd edək ki, Qaşım Maqomedov finalda Park Tae-Junaya məğlub olaraq gümüş medal qazanıb.
