Moldovanın Qaqauz muxtariyyətinin rəhbəri Yevgeniya Qutsulun həbs müddəti daha 30 gün uzadılıb.
Globalinfo.az xəbər verir ki, bu barədə RİA Novosti agentliyi məlumat yayıb.
“Həbs müddəti iyunun 13-dək uzadılıb”, – deyə bildirilib.
Qeyd edək ki, Qutsul martın 25-də Kişinyov hava limanında saxlanılıb.
O, Qaqauziya rəhbəri vəzifəsinə seçki kampaniyasını qanunsuz maliyyələşdirməkdə, sənədləri saxtalaşdırmaqda, habelə seçki kampaniyasının maliyyələşdirilməsi ilə bağlı bəyannamə və hesabatları saxtalaşdırmaqda ittiham olunub.
Aprelin 9-da Kişinyov rayon məhkəməsi Qaqauz muxtariyyətinin rəhbəri Yevgeniya Qutsulun həbs-qətimkan tədbirini ev dustaqlığına dəyişdirib.
Əliyar Xəlil
Globalinfo.az
