Rusiyalı təbliğatçı Sergey Mardan “Solovyev Canlı” verilişində Ermənistana qoşun yeritmək çağırışı edib.
Globalinfo.az xəbər verir ki, bu barədə “Pravda” məlumat yayıb.
Mardan Rusiyanın Ermənistandan bəzi malların idxalını məhdudlaşdırmasını tənqid edərək, Moskvanın daha sərt addımlar atmalı olduğunu bildirib.
“Düzünü desəm, “Biz erməni gülləri almayacağıq” deyilməsi o qədər acınacaqlı idi ki, bir çox utancverici xatirələrə səbəb olur. 500 paraşütçü yerləşdirmək və İrəvanda hökuməti dəyişdirmək əvəzinə belə bir şey söyləmək heç uyğun deyil”, – deyə Mardan bildirib.
Mardanın sözlərinə görə, Rusiyanın Ermənistana təsir göstərmək üçün kifayət qədər vasitələri var. O iddia edib ki, əgər erməni seçiciləri yanlış seçim etsələr, Ermənistana qarşı son dərəcə sərt tədbirlərin görülməsinin tərəfdarı olar.
“Mən bu ölkəni tamamilə bloklayardım. Bütün Ermənistan pasportu sahiblərini vətənlərinə deportasiya edərdim və bu, Ermənistan biznesinin sonu olardı. Bizim orda bütün imkanlarımız, məsələn, hərbi bazamız, qoşunlarımız var. Onları dərhal İrəvana yerləşdirə bilərik” – Mardan bildirib.
Tahir Turan
Globalinfo.az
Həmçinin oxuyun
