Qazax-Tovuz Regional Təhsil İdarəsində qəbula gələn müəllim vəfat edib.
Globalinfo.az xəbər verir ki, təhsil sektorunun metodisti Elçin Abdıyevin RTİ-nin müdiri Arslan Hacıyevin qəbulu zamanı qəfildən halı pisləşib, yerə yıxılıb və bir neçə dəqiqə sonra dünyasını dəyişib.
Ttəcili-tibbi yardımın ilkin müdaxiləsinə baxmayaraq, o, dünyasını dəyişib.
“18 yanvar 2023-cü il tarixində Qazax-Tovuz Regional Təhsil İdarəsində keçirilən idarə müdirinin vətəndaş qəbulu zamanı vətəndaş Abdıyev Elçin Nadir oğlunun qəfildən halı pisləşib, əməkdaşların və təcili-tibbi yardımın ilkin müdaxiləsinə baxmayaraq Elçin Abdıyev dünyasını dəyişib”, – deyə Qazax-Tovuz Regional Təhsil İdarəsindən verilən məlumatda qeyd olunub.
Qeyd edək ki, Elçin Abdıyev Tovuz rayonu üzrə təhsil sektorunda metodist vəzifəsində çalışıb. Dekabrın 30-da onunla bağlanmış müddətli əmək müqaviləsinin vaxtı bitdiyi üçün əmək fəaliyyətinə xitam verilib.
