“NATO dünyada öhdəliklər əsasında və sərt ideoloji klişelərlə qurulmuş yeganə blokdur”.
Globalinfo.az xəbər verir ki, bunu Rusiya prezidenti Vladimir Putin deyib.
“Bu gün dünyada məcburi qaydalar, sərt ideoloji klişelərlə qaynaqlanan yalnız bir blok qalıb. Bu, Şimali Atlantika Müqaviləsi Təşkilatıdır. İndi nizamnamə sənədlərini pozaraq öz yanaşmalarını dünyanın digər bölgələrinə yaymağa çalışır. SSRİ-nin dağılmasından sonra alyans dağıdıcı rol oynamağa başlayıb. Çünki NATO-nun mövcudluğunun heç bir mənası qalmayıb. Bu ittifaqın köməyi ilə Avropa öz nizamnamə sənədlərini pozaraq, dünyanın digər ərazilərinə də yanaşmalarını tətbiq etməyə çalışır”, – deyə Putin vurğulayıb.
Qeyd edək ki, Şimali Atlantika Müqaviləsi Təşkilatı (NATO) 4 aprel 1949-cu ildə Vaşinqtonda keçirilən konfransda yaradılıb. Alyansın əsas məqsədinin BMT Nizamnaməsinin prinsiplərinə uyğun olaraq alyans üzvlərinin azadlığının və təhlükəsizliyinin təmin edilməsi olduğu bildirilir.
Müşviq Tofiqoğlu
Globalinfo.az
