Ermənistanın Baş naziri Nikol Paşinyan Axalkalaki – Qars dəmir yolunun fəaliyyətə başladığını açıqlayıb.
Globalinfo.az xəbər verir ki, bu barədə o, sosial media hesabında paylaşım edib.
“Axalkalaki – Qars dəmir yolunun, eləcə də Azərbaycan dəmir yolunun bundan sonra Ermənistana ixrac və idxal üçün açıq olduğunu elan etməkdən şadam. Bu, ölkəmizin iqtisadi həyatında böyük hadisədir”, – deyə o bildirib.
Paşinyan qeyd edib ki, hazırda Ermənistan Gürcüstan və Azərbaycan ərazilərindən keçməklə, Rusiya ilə, həmçinin Rusiya və Qazaxıstandan keçməklə, Çinlə dəmir yolu əlaqəsinə malikdir:
“Yaxın gələcəkdə Ermənistan–Türkiyə, Ermənistan–Azərbaycan, daha sonra Naxçıvan vasitəsilə Ermənistan–İran dəmir yolunun açılması gözlənilir.
TRIPP layihəsinin həyata keçirilməsi nəticəsində biz bu hadisələrin şahidi olacağıq”.
Həmçinin oxuyun
