Ermənistan Baş naziri Nikol Paşinyan İrəvanın Moskvaya baza ilə bağlı müraciət edib-etməməsi sualına cavab verib.
Globalinfo.az xəbər verir ki, bu barədə o, Polşada diplomatlar və analitiklərlə görüşdə danışıb.
Paşinyan qeyd edib ki, Ermənistan 102-ci Rusiya hərbi bazasını çıxarmağı planlaşdırmır:
“Bizim 102-ci Rusiya hərbi bazasının Ermənistan ərazisində mövcudluğu barədə heç bir planımız, proqramımız və narahatlığımız yoxdur. Moskva ilə sıx tərəfdaşlıq içindəyik, iqtisadi və siyasi əlaqələr qurulub.
Biz münasibətlərin inkişafında maraqlıyıq. 2020-ci ilin noyabrında Azərbaycanla atəşkəs məsələsində Rusiya Prezidenti Vladimir Putinin həlledici rolu olub”, — deyə o bildirib.
Safura Bənnayeva
Globalinfo.az
