Parisdə minlərlə insan küçələrə axışaraq Fransa hökumətinə qarşı etiraz aksiyası keçirib.
Globalinfo.az xəbər verir ki, “Sülh naminə” aksiyasının iştirakçıları Fransanın NATO-dan və Avropa İttifaqından çıxmasını tələb ediblər.
“Dövlətimizi azad etmək lazımdır. Fransa milli maraqlar və sülh naminə mübarizə aparmaq üçün müstəqil olmalıdır”, – deyə Vətənpərvərlər Partiyasının lideri Florian Filippot bildirib.
Məlumata görə, aksiyaya minlərlə insan qoşulub. Onlar “NATO-dan tez çıxın” və “NATO-nu dayandırın” şüarları səsləndiriblər.
Qeyd edək ki, bu, Fransada keçirilən ilk aksiya deyil. Bu cür tələblərlə sonuncu nümayiş martın ortalarında Parisdə keçirilib.
Əliyar Xəlil
Globalinfo.az