Ov mövsümü başa çatır

Azərbaycanda 2023-2024-cü illər üzrə ov mövsümü fevralın 25-də başa çatacaq.

Globalinfo.az xəbər verir ki, bunu “Report”a açıqlamasında Bioloji Müxtəlifliyin Qorunması Xidmətinin rəisi Firuddin Əliyev bildirib.

Onun sözlərinə görə, bu tarixdən sonra ov icazələrinin verilməsi dayandırılacaq, vətəndaşların ov etmələri qadağan olunacaq. Xidmət rəisi, həmçinin ovla məşğul olan şəxsləri qadağan olunan vaxtlarda ov qaydalarına əməl etməyə çağırıb:

“Ov mövsümünün bağlanması heyvanların və quşların bioloji xüsusiyyətləri ilə bağlıdır. Bu müddətdə növlərin çoxalma və miqrasiya dövrü başladığından onların populyasiyasına və təbii artımına zərər verilməməsi üçün ov qadağan olunur”, – deyə Xidmət rəisi qeyd edib.