Dünyaca məşhur restoranlar şəbəkəsinin sahibi, türkiyəli Nusret Gökçenin İstanbuldakı restoranına hücum təşkil edən iki cinayətkar qrupa qarşı əməliyyat keçirilib.
Globalinfo.az oxu.az-a istinadən bildirir ki, bu barədə Türkiyə daxili işlər naziri Ali Yerlikaya öz “X” hesabında paylaşım edib.
“Mütəşəkkil cinayətkar qruplaşmanın başçısı Barış Boyunun digər dəstə lideri Volkan Reçberə verdiyi təlimat əsasında təşkil edilən, Beşiktaşda “Nusr-Et” adlı iş yerinə silahlı hücumla bağlı “Mahzen-22” əməliyyatı keçirilib.
Əməliyyat zamanı silahlı hücumu həyata keçirən mütəşəkkil cinayətkar dəstənin beş üzvü şübhəli şəxs qismində saxlanılıb”, – deyə nazir paylaşımda bildirib.
Xatırladaq ki, martın 22-də Nusret Gökçenin İstanbulun Beşiktaş səmtində yerləşən restoranına silahlı hücum olub. Motosikletlə gələn iki nəfər məkana doğru atəş açıb və hadisə yerindən qaçıb.
Hücumda ölən və yaralanan olmayıb, lakin restorana zərər dəyib.
Organize suç örgütü elebaşı Barış Boyun’un (Yurt dışı firar),
organize suç örgütü elebaşı Volkan Reçber’e (Yurt dışı firar)
talimat vererek yaptırdığı, Beşiktaş’taki “Nusr-Et” isimli iş yerine yönelik silahlı saldırı eylemine karşı “MAHZEN-22” operasyonu düzenlendi❗️… pic.twitter.com/bi3kqUy9zS— Ali Yerlikaya (@AliYerlikaya) March 27, 2024
