İsrailin Baş naziri Benyamin Netanyahu Böyük Britaniyaya səfər edəcəyi təqdirdə Beynəlxalq Cinayət Məhkəməsinin qərarına əsasən həbs olunacaq.
Globalinfo.az TASS-a istinadən xəbər verir ki, bu barədə Böyük Britaniyanın Baş naziri Kir Starmerin ofisi məlumat yayıb.
“Böyük Britaniya hər zaman milli və beynəlxalq hüquqda müəyyən edilmiş hüquqi öhdəliklərinə əməl edəcək”, – ofisdən verilən açıqlamada bildirilib.
Qeyd edək ki, ötən gün İsveçrə də Benyamin Netanyahunu ölkəyə səfər edəcəyi təqdirdə Beynəlxalq Cinayət Məhkəməsinin orderi əsasında həbs edəcəyini açıqlamışdı.
Xatırladaq ki, Beynəlxalq Cinayət Məhkəməsi İsrailin Baş naziri Benyamin Netanyahu və keçmiş müdafiə naziri Yoav Qallantın “insanlığa qarşı cinayətlər və müharibə cinayətləri” ilə bağlı həbsinə order verib.
