İndiyədək Media Reyestrinə 181 media subyekti daxil edilib.
Globalinfo.az bildirir ki, bu barədə Medianın İnkişafı Agentliyinin (MEDİA) Kommunikasiya şöbəsinin müdiri – mətbuat katibi Səidə Şəfiyeva APA-nın sorğusuna cavab olaraq deyib.
Səidə Şəfiyeva bildirib ki, həmçinin, jurnalistlərdən 190-a yaxın jurnalistin adı reyestrə daxil edilib.
Onun sözlərinə görə, media subyektlərinin müraciətlərinə “Media haqqında” Azərbaycan Respublikası Qanununun 74.1-ci və Azərbaycan Respublikası Prezidentinin 2022-ci il 26 sentyabr tarixli 1846 nömrəli Fərmanı ilə təsdiq edilmiş “Media Reyestrinin aparılması Qaydaları”nın 6.5-ci bəndinə uyğun olaraq baxılır və nəticəyə uyğun olaraq müvafiq qərar qəbul edilir.
