Culfa rayonunda üç avtomobilin iştirakı ilə baş verən ağır yol-nəqliyyat hadisəsi ölümlə nəticələnib.
Globalinfo.az Oxu.Az-a istinadən xəbər verir ki, qəza rayonun Ərəzin kəndi ərazisində qeydə alınıb.
Hadisə nəticəsində səkkiz nəfər xəsarət alıb, 2022-ci il təvəllüdlü Səid Səlim oğlu Quliyev isə həyatını itirib.
Xəsarət alan şəxslər Naxçıvan Muxtar Respublika Xəstəxanasına yerləşdiriliblər.
Hadisə yerinə polis əməkdaşları cəlb olunublar. Faktla bağlı araşdırma aparılır.
