25 aprel gecəsi nadir astronomik hadisə müşahidə olunacaq.
Globalinfo.az xəbər verir ki, NASA-nın məlumatına görə, Ay, Venera və Saturn planetləri səma görüntüsündə “gülümsəyən üz” formasında üçbucaq quracaq.
Hadisə Şərq üfüqü üzərində, günəş doğmazdan əvvəl müşahidə oluna bilər. Əgər səma aydın və buludsuz olarsa, bu mənzərə dünyanın istənilən nöqtəsindən müşahidə edilə bilər.
“Venera şərq üfüqünün bir qədər yuxarısında, Saturn isə daha aşağıda yerləşəcək. Nazik ay paraşütü isə bu görüntünün “gülən ağız” hissəsini tamamlayacaq”, – NASA-nın verdiyi açıqlamada deyilir.
NASA nümayəndəsi Brenda Kalbertson isə bildirib ki, bu parlaq göy cisimlərinin yaratdığı üçbucaq bəzi insanlara səmada bir “smayl” (təbəssüm – red.) kimi görünə bilər.
Aysel Əliyeva
Globalinfo.az
