“Moskvaya genişmiqyaslı hücum hazırlamaq üçün Ukraynaya ən azı iki-üç ay vaxt lazım idi”.
Globalinfo.az xəbər verir ki, bunu Rusiya Raket və Artilleriya Elmləri Akademiyasının rəis müavini Konstantin Sivkov deyib.
O qeyd edib ki, Kiyevin son addımı Kursk vilayətindəki ciddi uğursuzluqlarla bağlıdır:
“Ukrayna rəhbərliyi düşünürdü ki, Moskvaya PUA hücumu etməklə ordunun son aylarda ciddi şəkildə sarsılan əhval-ruhiyyəsini yüksəldə biləcək”.
Ekspert hesab edir ki, Ukraynanın digər planı ordusunun hələ də hərbi potensialını itirmədiyini və döyüşə davam edə biləcəyini Qərbə göstərmək idi:
“Kiyev rejimi münaqişənin həlli üzrə danışıqlardan əvvəl öz mövqeyini gücləndirməyə ümid edir”.
Qeyd edək ki, sonuncu dəfə Moskvaya PUA hücumları 2023-cü ilin may və yayın aylarında olub.
Günay Rəsulqızı
Globalinfo.az
