Rusiya müharibəni davam etdirmək üçün kifayət qədər resursa malikdir.
Globalinfo.az xəbər verir ki, bu fikirləri Ukrayna Silahlı Qüvvələrinin sabiq baş komandanı Valeri Zalujnı “Təhlükəsizliyin ixracı: Ukrayna silahı dünyada” adlı forumda çıxışı zamanı səsləndirib.
O, ölkəsinin 1991-ci il sərhədlərinə qayıtmaq ümidi ilə bağlı nikbin danışmayıb.
“Ümid edirəm ki, bu zalda artıq heç kim möcüzəyə – hansısa “ağ qu quşuna” – ümid bəsləmir. Elə bir möcüzəyə ki, o gəlib Ukraynaya sülh, 1991-ci və ya 2022-ci il sərhədlərini qaytarsın və sonra hamımız xoşbəxt olaq. Mənim şəxsi fikrim budur ki, düşmən tərəfinin hələ də bizim əraziləri vurmaq, hücumlar təşkil etmək üçün resursu, gücü və vasitələri var”, – deyə Zalujnı bildirib.
O, real vəziyyətlə barışmağın və bu şəraitdə hərbi-siyasi strategiyanı yenidən qurmağın vacibliyinə işarə edib.
Aysel Əliyeva
Globalinfo.az
