Avro-2024-ün seçmə mərhələsində keçirilən Estoniya – Azərbaycan oyunu başa çatıb.
Qarşılaşma yığmamızın 2:0 hesablı qələbəsi ilə yekunlaşıb. Qolları doqquzuncu dəqiqədə Toral Bayramov və 45+4-cü dəqiqədə penaltidən Ramil Şeydayev vurublar.
Bu, Azərbaycan millisinin qrup mərhələsində ilk qələbəsi olub. Xallarını dördə çatdıran komanda F qrupunda dördüncü pillədədir.
Bir xalı olan Estoniya sonuncu – beşincidir.
***21:08
AVRO-2024-ün seçmə mərhələsində keçirilən Estoniya – Azərbaycan oyununda ikinci hissə başlayıb.
Tallindəki “A. Le Koq Arena”da təşkil olunan matçın ilk hissəsindən sonra yığmamız iki topluq üstünlüyə malikdir.
Qolları Toral Bayramov və Ramil Şeydayev vurublar – 2:0.
***20:54
Futbol üzrə Azərbaycan və Estoniya milli komandaları arasında keçirilən AVRO-2024-ün seçmə mərhələ oyununda ilk hissə başa çatıb.
Tallindəki “A. Le Koq Arena”da təşkil olunan qarşılaşmanın birinci yarısını millimiz 2:0 hesablı üstünlüklə başa vurub.
Rəqib qapısından topları Toral Bayramov və Ramil Şeydayev keçiriblər.
***20:51
Matçda ikinci qol vurulub.
Bu dəfə Ramil Şeydayev fərqlənib. Hücumçu 45+4-cü dəqiqədə penaltini dəqiq yerinə yetirib.
Millimiz səfərdə 2:0 hesabı ilə önə keçib.
***20:13
Estoniya və Azərbaycan milliləri arasında Tallində keçirilən AVRO-2024-ün seçmə mərhələ oyununda hesab açılıb.
Komandamız 9-cu dəqiqədə fərqlənib.
Toral Bayramov dəqiq baş zərbəsi ilə ev sahiblərini mərkəzə dəvət edib.
Azərbaycan yığması hazırda 1:0 hesabı ilə öndədir.
***20:02
Estoniya və Azərbaycan milliləri arasında qarşılaşma Bakı vaxtı ilə saat 20:00-da start götürüb.
***
Azərbaycan millisi AVRO-2024-ün seçmə mərhələsində növbəti oyununa çıxacaq.
Globalinfo.az xəbər verir ki, yığmamız bu gün Estoniya ilə qarşılaşacaq.
Canni de Byazinin yetirmələri Tallində rəqibin qonağı olacaq. Hazırda hər iki komandanın aktivində 1 xal var. Bu matç qrupda sonuncu yeri tutmamaq baxımdan böyük önəm daşıyır.
Bakı vaxtı ilə saat 20:00-da start götürəcək görüşü almaniyalı Robert Şröder idarə edəcək.
AVRO-2024-ün seçmə mərhələsi
VII tur
13 oktyabr
20:00. Estoniya – Azərbaycan
Baş hakim: Robert Şröder
Tallin. “Le Koq Arena” .
Komandaların start heyətləri açıqlanıb:
Estoniya: Karl Yakob Hein, Marten Kuusk, Artur Pikk, Mattias Kayt, Rasmus Peetson, Georgi Tunyov, Maksim Paskotşi, Konstantin Vassilyev (k), Martin Miller, Markus Poom, Henri Anier
Ehtiyat oyunçular: Matvey İqonen, Karl Andre Vallner, Erik Sorqa, Sergey Zenyov, Henrik Oyamaa, Martin Vetkal, Marko Lukka, Mixael Lilander, Ken Kallaste, Boqdan Vaştşuk, Vlasi Sinyavski
Azərbaycan: Şahruddin Məhəmmədəliyev, Elvin Cəfərquliyev, Anton Krivotsyuk, Höccət Haqverdi, Rahil Məmmədov, Toral Bayramov, Aleksey İsayev, Coşqun Diniyev, Emin Mahmudov (k), Mahir Emreli, Ramil Şeydayev
Ehtiyat oyunçular: Səlahət Ağayev, Rəşad Əzizov, Yusif Nəbiyev, Renat Dadaşov, Emil Səfərov, Cəlal Hüseynov, Bəxtiyar Həsənalızadə, Elvin Camalov, Ozan Can Kökçü, Filip Ozobiç, Qismət Alıyev, Musa Qurbanlı
